காணாமல் தேடும் கண்கள்

காத்திருத்தலில் கரையும் காலம்
தொலைவில் நீ...
பார்த்திருக்கிறேன் நீ வரும் வழியை..
எனது விளக்கு எரிந்து
கொண்டிருக்கிறது..
நீ வந்து அணைப்பதற்காய்.

உனது தாமதம்
கோபம் சேர்த்தது எனக்கு..
அடுத்த நிமிடம் காரணம்
கற்பித்து சமாதானம்
கொள்ளும் ஓர் மனம்..
ஏதேனும் உனக்கு உற்றதோ
என்று அலறும் ஓர் மனம்..

நேரம் செல்ல
பதற்றம் மட்டும்..
காணாமல் தேடும்
கண்கள்..

நேரம் தவறி வந்து
சேர்ந்தாய்..
உன் முகம் கண்டதும்
முகத்தில் தோன்றிய
ஒரு புன்னகை,
மறுகணம் மறைத்தேன்..

காக்க வைத்து
அலைக்கழித்த உன் மேல்
பொங்கிய கோபம்..
குறும்பன் நீ..
கோபத்தையும் சேர்த்தணைத்தாய்.